إيه اببكي..
واطلق اسراب الدموع..
دامها جروحي حمام
وسكة اهدابي رجـــــــوع....
إيه اببكي..
وادري ان دمعي ثمين..ويرخص لعينك .واهووون
ياعراق...كم طفل دمه يراق؟
وكم قلب ٍ يحترق..من لوعة اسباب الفراق...
كلنا جرحى..عشانك..وكلنا نحلم بامانك
للضياع..أهديت دمعي
وللضياع..أصغيت سمعي
وللضياع..أطفيت شمعي..
ولازم لعينك أضييييييييع.....لازم لعينك أضيييييييييع
انا ماراعني إلا جريح ٍ بالقهر مكسور
يشوف احلامه صروح ٍ تهاوى وتردم عزومه
ورجل ٍ قد بلغ آخر أشده ينطوي مذعور
يخاف ان المسا يحجب شعاع الشمس عن يومه
وأم ٍ تحضن اطفال ٍ تساقط دمعهم منثور
بلا مأوى وهي تبكي عليهم حيل مكلومه
وعود ٍ مارحموا ضعفه وهو يقرا (الفلق) و(النور)
ويردد آية الكرسي لعل تفرّج همومه
الا ياقمة التدليس وكشف المزري المستور
الا يا(خمة) اشباه الرجال و(قمة) النومه
رعاع ٍ مابكم شخص ٍ يعين ولادماء تفور
ولا قلب ٍ تروعه شوفة آلآمال مهدومه
بنيتوا من حطام الشعب اسوار وسكنتوا قصور
وفقير ٍ يحلم بسقف ٍ يضمه ويستر علومه
يشوف ان جنة الدنيا رغيف ولاامتلك تنّور
يحس انه ملك كل البقاع ولااحد ٍ يلومه
لهم رب ٍ قضى ان الليالي بالطغاه تْدور
تحروا طيحة الظالم . جعل ماعقبها قومه
.
